[itzul] "Productos Lácteos Sostenibles"

[Mikel Haranburu]

Ez dut uste kontua denik zein hitz dagoen libre ala okupatuta; kafe 
sostengagarriak loa galaraziko lidake niri berdin-berdin. Kafe 
eutsigarriak ere bai. Kontua da zer adierazi behar den eta zer ezin den 
adierazi halako hitza baliatuta. Non geratzen den motz jasangarri, non 
iraunkor, zer nahasbide (joño, beste "bide" bat...) dakarren halako 
terminoak eta ea zentzuz hautatuko dugun gure sostenible/sustainable/...

OEH begiratu, eta hainbat eta hainbat "bide" kausitzen ahal dugu; izenez 
osatuak, nola diren ogibide, hizpide, lanbide, burubide; eta aditzez 
osatuak, nola diren helbide, irizpide, iraunbide, irakaspide; baina eta 
ahalbide, zuzenbide...
Beste adibide batzuk erre ageri dira: bidezki, bidemodu, bidez eta legez...
Tira, esanahi hurbilagokoa da, ezbairik gabe, BIDEZKO MERKATARITZA. 
Nonahi erabiltzen da, eta produktuen etiketetan jartzen da, produktuok 
nola merkaturatzen diren adierazteko. IRAUNBIDEZKOrekin guztiz 
bateragarria deritzot.
Ezezkoan ere, hor ditugu bidegabe eta bidegabekeria, zeharo arruntak 
erabileran.

Bestalde, IRAUNBIDEZKOk aukera asko ematen du, beste izenondo horiek 
baino, gehiago ala gutxiago ortopedikoak izanik ere; iraunbideak, 
iraunbidera ekarri, iraunbidezkotasuna...

Jasangarri zertan egokia ez den? Batetik, kontraesankorra da irauteko 
bide ematen duen garapena, egokia dena, jasan behar izatea, nahiz eta 
jasangarria den... eta bestetik, jasangarria dena ala ez dena, garapen 
edo dena delako egintzaren ondorioak dira, eta ez garapena edo egintza 
bera. Alegia, ekoizpenaren maila edo alor guztietan, teknika, modu eta 
ekoizpen 'bide' suntsikorrak ez diren prozedurak gauzatuz egin den kafe 
paketea, iraunbidezko iruditzen zait, baina jasangarri, iraunkor, 
sostengagarri, eutsigarri, ez.

Iraunbidezkok direnak direlako elementuak zerbait urruti paratzen 
dituela, hots, sostenible/... ez da kafearen ezaugarri bat, baizik eta 
hura ekoizteko jarraitu diren moduena.

Hara, baina sotenible/... adierazteko hitz bakarra eta izenondo hutsa 
behar duenak, ez dezala beste biderik har.

Barkatu gaizki esanak.

Mikel Haranburu


2013.eko otsren 18a 16:04, Xabier Armendaritz (Aixe, S. L.) wrote:
>
> Kontua baldin bada lehenagotiko erabileretatik libre dagoen adjektibo 
> bat hartzea, hortxe dugu /Hiztegi Batua/n inolako markarik gabe 
> onartua dagoen «sostengatu» aditzetik datorren «sostengagarri», 1995az 
> geroztik behintzat 
> (http://www.ueu.org/download/artikulua/uztaro15_1.pdf) erabili izan 
> dena, eta orain ere erabilera nabarmena duena 
> (https://www.google.es/search?q=sostengagarri).
>
> Ingelesez askotan azaltzen baita diagrama bat, non «bearable» 
> (jasangarri) eta «sustainable» (iraunkor?, iraunbidezko?, 
> sostengagarri?...) bereizten diren:
>
> http://sites.psu.edu/rcldennis/2013/01/17/civic-issue-sustainable-development/
>
> Dena dela, Euskaltzaindiak gaia berriz aztertu eta behin betikoa (edo) 
> den erabakiren bat eman arte, saltsa ederra dugu...
>
> Ondo izan,
>
> Xabier
>
> _________________________
>
> Xabier Armendaritz
> AIXE itzulpen eta zerbitzuak
> Biltzar Nagusiak, 11, behea
> 01010 GASTEIZ
>
> Tel.: 945 174 476
>
>
>
> 2013-02-18 15:21(e)an, Koldo Biguri(e)k idatzi zuen:
>> Ez dakit inork proposatu ote duen lehenago, ez eta ondo osatua ote 
>> dagoen, baina EUTSI aditza ere hortxe dago: "Gure 
>> lurrak/nekazaritzak/auskalo zerk ezin dio eutsi orain arteko 
>> ereduari/sistemari...". EUTSIGARRI beharko genuke, noski, agian 
>> legez-legez osatua ez, baina gutxienez termino "hutsa" da, okupatuta 
>> ez dagoena, eta EUTSIGARRITASUNA emango luke, era berean.
>> Koldo Biguri
>>
>

-------------- hurrengo zatia --------------
Erantsitako HTML dokumentu bat ezabatu egin da...
URL: <https://postaria.com/pipermail/itzul/attachments/20130218/f5c004ab/attachment.html>