[itzul] Korrika vs La Korrika

[Gotzon Egia]

> Gaztelaniaz, aski ohituta gaude a-z amaitzen diren maskulinoak edo o-z 
> amaitzen diren femeninoak aditzeaz: "la mano del cura", "los 
> guaperas", "el facha", "el hacha", "la foto", "la moto"

Ez nituzke multzo berean sartuko biak.

Buruz ari naiz, baina ondo oroitzen banaiz, gaztelaniaz, maskulino askok 
du amaieran -a:

  * grekotik eratorrita, -ma amaiera duten mordo bat: sintagma, sistema,
    drama, enigma...
  * lanbide, okupazio edo zereginak izendatzeko izen asko: guía,
    centinela, poeta, atleta, corista, novelista, espía...
  * izen arrunt batzuk: día, mapa, hacha, planeta...

Aldiz, -o bukaeran duten femeninoak gutxi dira, oso:

  * berezkoa, nik ezagutzen dudan bakarra: mano; beharbada, baita ere,
    dinamo (grekoz δύναμις).
  * aipatzen dituzun gainerakoak, izen luzeagoen laburtzapenak dira,
    femeninoak jatorriz, eta ezustez dute amaieran -o: motocicleta >
    moto, fotografía > foto, radio < radiodifusión.

Bide batez, «guaperas» izena aldaezina da, s-z amaitzen da singularren 
nahiz pluralean.

-- 
Gotzon Egia
gegia a bildua gipuzkoa.net
43º 19' 13.5" N 1º 57' 50.4" W
-------------- hurrengo zatia --------------
Erantsitako HTML dokumentu bat ezabatu egin da...
URL: <https://postaria.com/pipermail/itzul/attachments/20130315/5396d00d/attachment.html>