[itzul] homme du monde

[Xabier Artola Zubillaga]

Mila esker, denoi, erantzunengatik... zerekin geratuko naizen oraindik oso 
argi ez badut ere (saltsa handi samarra, ez dago erraza aukeratzen!).

Testuinguruari dagokionez, eta Beñati bereziki erantzunez, esan behar dut 
emandako bi esaldi horiek "Ter le milicien" narraziokoak direla, M. 
Duras-en "La Douleur" liburukoak. Eta, oso oker ez banago behintzat, 
pertsonaia hori, "handiki" hori, bi esaldi horietan baino ez da 
aipatzen liburuan, kito.

Egoera, aurreko mezuan azaldutakoa da: Paris liberatu berritan, Richelieu 
zentroan atxilotuta dituzte kolaborazionista batzuk-edo, Ter milizianoa 
bera eta "homme du monde" hori tartean direla...

Nire zalantza handiena, zuenak ere irakurrita, da "handikitasun" hori 
gizarte mailari dagokion edo kultur mailaz ari den gehiago: "(asko) 
ikasitako/ikusitako/ibilitako gizona" agian? Seguruenik, eta hiztegietan 
zer dioen ikusita, biak batera doaz, eta areago 1940ko hamarkadako 
jendarte hartan.

Ondo izan,

Xabier.