[itzul] kirol albisteak eta genitiboa

[Agirre Garai, Jon]

Gozatu ere bai, nik, laburpen luzexka batzuekin. Eskerrik asko, Juan.

 

Datu bat, historiarako:

 

1979an Eibarren suertatu nintzen, zertara edo horretara joanda, eta Eibarko plazan  Casa del Pueblo ikusi nuen euskaraz kartel handi batean idatzita herriko PSOEren egoitzako balkoian, Untzaga plazara ematen zuen balkoian (hondo gorrian letra zuri xeheak). Honela: “erria’ren etxea”. Ez dakit Itzulkide eibartarrek gogoan duten. Nik bai, euskaraz egoteagatik eta idazkera horretan (‘) egoteagatik harritu nintzelako, eta, gainera, zer pentsa eman zidalako, “casa del pueblo”-k pertsonen etxea izan nahi zuela eta ez herrian zegoena.

 

Geroztik, “herriaren etxea” jarri beharrean (ortografia eguneratuta), PSEk “herriko etxea” jarri zuen (txistea egitearren: ‘udaletxea’! edo ‘”pueblo”-ko etxea’?), bere egoitza guztiak berdinduaz. Bilbotik, edo Portugaletetik, etorriko zen erabaki hori; Eibartik ez behintzat. Ondo eta eredugarri zeukatena, aldrebestu zuten ageri-agerian. Eta okerrago dena, inork (euskaldunek, euskaltzaleek, euskaltzainek, adituek…) ez genuen tutik esan (idatzita behintzat, oker ez banago).

 

Egia da, egia da, neuk ikusi dudalako… J

 

Jon

 

 

 

From: Juan Garzia Garmendia [mailto:juangarzia a bildua gmail.com] 
Sent: larunbata, 2015.eko azaroak 21 10:00
To: ItzuL
Subject: Re: [itzul] kirol albisteak eta genitiboa

 

Ni ere saiatua naiz bereizkuntza horren ingurukoak maiseatzen; SENEZen, besteak beste.

 

Labur-labur hemen:

 

(…)

Hala, bi ikuspegiak lehian daudekeen gehienetan, -KO nagusitu ohi da, aukeran, kasu eta hizkera gehienetan: "etxeko/autoko giltzak". Bereizkuntzak, hala ere, hor dirau berez: "katedralaren hormak/ateak" vs "katedraleko hormak/ateak". Ez dabil "erakarpen"-mekanismo beretik oso urruti "Eibarko herria" moldeko joskera, "Eibar herria" aposizio teorikoaren ordez guztiok normal darabilguna (oroimenak huts egiten ez badit, hala ere, "Eibarren errixa" dakar antzinako bando zaharrak: erdarazko "(pueblo) de (Eibar)" preposizio berezi, esanahirik gabekoaren ordain gisa zein postposizio aukeratu inoiz zalantzan ibili ez ote garen iradokiz).

 

(…)

 

Barka laburpena luzeegi bada.
-------------- hurrengo zatia --------------
Erantsitako HTML dokumentu bat ezabatu egin da...
URL: <https://postaria.com/pipermail/itzul/attachments/20151123/792cb168/attachment.html>
-------------- hurrengo zatia --------------
Testu hutsa ez zen mezu bat ezabatu egin da...
Izena: marca_outlook_seguridad.jpg
Mota: image/jpeg
Tamaina: 66738 bytes
Azalpena: ez dago erabilgarri
URL : <https://postaria.com/pipermail/itzul/attachments/20151123/792cb168/attachment.jpg>