[itzul] Accidental

[Aitor Duñabeitia]

Arratsalde on:

Ba ote da inon zehazturik "secretaria/o accidental" zelan den euskaraz?

Udal bakan batzuek darabilten "halabeharrezko idazkari" formula egokia
delakoan nago, baina ez dut jasorik topatu inongo hiztegi edo terminologia
zerrendatan.

Beste hainbat udalek "behin-behineko idazkaria" darabilte, baina ez
deritzot egoki, behin-behinekok bestelako esangura duelakoan. Halere,
Elhuyar hiztegian gaztelaniaz "accidental" bilatuta, "behin-behineko
alkatea" adibidea dakar.

Beste batzuek "jarduneko idazkaria" darabilte; baina, parekatu litezke "en
funciones" eta "accidental"  kontzeptuak?

Inork argi ditu kontuok edo badaki inon jasota/zehazturik dagoen?

Milesker

Aitor
-------------- hurrengo zatia --------------
Erantsitako HTML dokumentu bat ezabatu egin da...
URL: <https://postaria.com/pipermail/itzul/attachments/20250719/a9624e1e/attachment.htm>