Re: [itzul] "Los se ñ ores de la guerra" eta warlords

[Mikel Morris]

Nik ez dut esan ingelesa azken erreferentzia dela izatea beharrezkoa 
denik.  Soilik gauza bat esan dut: gaztelania (edo edozein hizkuntza) 
erreferentzia bakarra izatea txarra da. Hemengo arazoa betikoa da. 
Hegoaldean, gaztelania iturri bakartzat hartzen da, euskal itzultzaile 
askok gaztelaniaz besterik ez dutelako ezagutzen, sailbuespenik 
salbuespen. Warlord, azken batean, termino bat da. Eta ez dut inolako 
eragozpenik ikusten "gerra-jauntxo" edo "gudu-buruzagi" edo antzeko 
zerbait jartzeko. Kontua ez da eskarmentua edo Gaztelan ikusi dutenak 
aipatzea. Kontua hizkuntzaren ekonomia eta egokitasuna da. Komeni da 
almanieraz, errusieraz, hungariarez nola esaten dute ikustea eta gero 
euskaraz nola esan behar den erabakitzea. Noski, batezbesteko 
itzultzaile batek ezin du hori egin baina horretarako daude 
euskalgintzako "think tank" direlakoak. Hala ere, gehienak, azken 
batean, soilik bi hizkuntza dakitenez, gaztelania daukate ardatz 
bakartzat. Horregatik, oraingoz bederen, euskal kultura, neurri handi 
batean, gaztelaniazkoaren atala besterik ez da. Eta horrelako 
egoeretan, euskara soberan dago, gaztelaniazkoa jatorrizkoa baldin bada.

Mikel Morris

On dijous, dec 2, 2004, at 13:13 Europe/Paris, 
karlos_del_olmo a bildua donostia.org wrote:

>
>
>
>
>> Betiko arazoa  beti gaztelania iturri bakartzat hartzea da
>
> Zoritxarrez, Erdi Arotik bertatik Gaztelan eskarmentu handia izan dute
> (baita ingurukoek ondo jasan ere!)  gerra kontuetan (_guerra_ eta _war_
> erro bateko eta berekoak direla ez da ahaztu behar). _Guerrilla_ 
> kontzeptua
> bera "Made in Spain" da, "pata negra", nahiz eta, apika, euskaldunek 
> berek
> Orreagan ospetsu bihurtu (ala eurek asmatu?). Baliteke, beraz, 
> oraingoan,
> ingelesdunen baimenez, ingelesa azken erreferentzia ez izatea, alegia,
> gaztelainiari baino ez begiratzea halako hoben handia ez izatea (esatea
> zilegi bazait).
>  ;-)
>
> Karlos del Olmo
> karlos_del_olmo a bildua donostia.org
> 943424286
>
>
*************************************************
Mikel Morris