[itzul] Autismoak bakartu egiten du. Eta zeuk?/Eta zuk?

[EGUILUZ UGARRIZA, Jose Ramon]

Eskerrik asko iritziagatik, baina zuk aipatzen duzun arrazoi hori ere ez dut
argi ikusten. Nik bizkaieraz egiten dut hain zuzen ere, eta nire belarrirako
"arrotz" gertatzen zait esaldiko "zeuk" hori. Ez dut uste, beraz,
hiperbizkaikeriarekin zerikusirik duenik. 
Nik galdera bota dudanean da niri eta nire lagun batzuei "zeuk" horren
erabilera "arrotz" gertatzen zaigulako da, bizkaieraz nahiz batuaz. Ea
jendeari ere "arrotz" gertatzen ote zaion galdetu nahi nuen, hori baino ez.
Baina ez dut uste bizkaerazko kontuaz ari garenik.
 
-----Mensaje original-----
De: Juan Garzia Garmendia [mailto:svrinsjg a bildua sv.ehu.es]
Enviado el: lunes, 20 de diciembre de 2004 11:10
Para: ItzuL
Asunto: ER: [itzul] Autismoak bakartu egiten du. Eta zeuk?/Eta zuk?



Badirudi inor ez dela ausartzen zuzenean esatera, baina pentsatzen dut askok
dugula sentsazio bera: hiperbizkaikeria hutsa dela, alegia, erabilera hori
(bizkaierari kalte eta euskarari nahaste baino ez dakarkiona). Areago:
badirudi afan handia dutela batzuk valentziarrek katalanerarekiko bezala
jokatzeko bizkaierarekin, desberdintasunak karikaturaraino areagotuz,
alegia. Eskerrak, hala ere, telebistako iragarkietako euskaldun-erdaldunen
ahoetan mejoratzen den...
 
Beraz: horko "zeuk" hori (eta "zerorrek" balitz ere berdin) euskarazko
tradizio eta erabilera guztiz nagusiaren aurka doa, forma indartu (nire
ustez, hobe "berretu") direlakoak motibatu egin behar baitira (Albertoren
mezuko horretan aipatzen dira kasurik tipikoenak).
 
Hirugarren pertsonatik kanpo, gainera, ez dago "arrazoi"rik erakuslea eta
izenordain pertsonala bereizteko (erdara imitatuz: "aquél" / "él"); beraz,
"hark ekarri du"ren ordez "berak ekarri du" esatea baino askoz ere erabilera
"desbideratu"agoa da, halako formen alferrikako inflazioan aurrerago egiten
duena (bizkaiera-kutsua eman beharrez, jakina).
 
Azterteka formalean sartu gabe ere, bada errezeta erraz bat: forma soila
(hura, zu...) erabilita egoki ulertzen bada, hura(xe) erabili, eta gorde
besteok (huraxe/bera, zeuk-zerorrek...) beren zeregin berezietarako. Izan
ere, bestela, beti bereziak erabiltzen baditugu, gero ez dute izango beren
esanahi berezirik (eta, bide batez, forma soilak desagertu egingo dira
zeharo: batzuentzat, antza, "zu" ez da bizkaiera). 

-----Jatorrizko mezua-----
Nondik: itzul-bounces a bildua postaria.com [mailto:itzul-bounces a bildua postaria.com]Honen
izenean: Alberto Martinez de la Quadra
Bidalia: Astelehena, 2004.eko abenduak 20 09:54
Nora: 'ItzuL'
Gaia: RE: [itzul] Autismoak bakartu egiten du. Eta zeuk?/Eta zuk?




Beste argibide batzuk hemen: 
Eneko Barrutia, Pertsona-izenordainen erabileraren gainean, Mendebalde
kultur elkartearen 1997ko Jardunaldiak. (
<http://www.mendebalde.com/antbuspre.asp?Cod=1711&nombre=1711&orden=True>
http://www.mendebalde.com/antbuspre.asp?Cod=1711&nombre=1711&orden=True)

Alberto Martínez de la Cuadra 

-------------- hurrengo zatia --------------
Erantsitako HTML dokumentu bat ezabatu egin da...
URL: <https://postaria.com/pipermail/itzul/attachments/20041220/34abe1e3/attachment.html>