Re: [itzul] revolución de octubre

[txema]

Barkatu, Josemari, baina 1.936ko urtarrileko hauteskudeak 34ko urriko gertakizunen ondorio izan zirela esatea gehiegitxo esatea da, eta oso sinplea, garai nahasi horietan horrek bezala gerora jazotako beste zenbait gertakarik baldintzatu (edo eragin) baitzuten Frente Popularrararen sorrera (besteak beste, deklakzioa, egoera ekonomikoa, nazioarteko egoera eta abar). Are eta gehiago gertakari haiek bere horretan Hego Euskal Herrian gauzen eta gobernuen egoera aldatu zutenik. Zerikusia izan zuen gerorako gertakarietan, baina hori ez da, nire ustez, haren ondoriozkoa, ez bere horretan behintzat. Eta gauzak horrela, ez zait iruditzen Eibarren gertaturikoa iraultza izan zela esatea egokia denik. Horrela ikusten dut nik behintzat.
Ondo izan

  ----- Original Message ----- 
  From: Josemari Navascués 
  To: ItzuL 
  Sent: Tuesday, October 19, 2004 12:01 PM
  Subject: Re: [itzul] revolución de octubre


  Nire asmoa ez zen nire iaiotasuna (urria, bestalde) erakustea, dauzkadan dokumentuak kontsultatu eta zuri zalantzak argitzen laguntzea baizik.
  Eskuineko historialariena aipatu dudanean, "revolución" hitza erabiltzen ez dutenez edo ukatzen dutenez, ari nintzen (De la Cierva, Maeztu, Ledesma Ramos, Redondo, etab.), eta ez, "revolución" terminoarekin batera, ñabardurak azaltzeko, "insurrección" edo "alzamiento" erabiltzen dutenez. Nire asmoa, datu gisa, gertakizunari, nolabait, garrantzia ukatzeko joera ere badagoela adieraztea zen.
  Bukatzeko, Gutierrezek, Eibarren gertatutakoari deitzeko, "revolucion" terminoaren ordez, "insurrección" erabiltzeko arrazoi nagusiari dagokionez, hiztegiak "cambio violento en las instituciones políticas de un país" adierarekin batera "mudanza o nueva forma en el estado o gobierno de las cosas" ere badakar. Eta  1934ko urriko gertakizunen ondoriozko hauteskundeen osteko "Frente Popularraren" agintaritzapean, Espainian (dibortzioa, abortua, emakumeen eskubideak, hezkuntza, etab.) eta Hego Euskal Herrian -Eibar barne, edo aitzindari, agian- (Autonomia Estatutua),  "gauzen egoera eta gobernua" zeharo aldatu ziren.

  Hala ere, lehen esan dizudan bezala, zeuk erabaki.


  ----- Original Message ----- 
  From: "Asier Sarasua" <asarasua a bildua codesyntax.com>
  To: "ItzuL" <itzul a bildua postaria.com>
  Sent: Tuesday, October 19, 2004 11:06 AM
  Subject: Re: [itzul] revolución de octubre



  Josemari Navascués-ek:
  >Autore gehienek (nik daukadan dokumentazio ugariaren arabera, behintzat) 
  >iraultza deitzen diote.
  >(...)Eskuineko historialari askok, garrantzia kendu nahian-edo, 
  >iraultzatzat jotzen ez badute ere,


  Gai honetan ni baino askoz jantziago egongo zara, eta ez dizut ezetzik 
  esango, baina ez dut uste eskuindarren/ezkertiarren arteko aldea denik. Ez 
  hori bakarrik behintzat.
  Toribio Etxebarria sozialista eibartarrak, "Revolución" hitzarekin batera, 
  "Insurrección" eta "Alzamiento revolucionario" aipatzen ditu. D. Ruiz 
  historialariak idatzitako liburu baten izenburua «Insurrección defensiva y 
  revolución obrera. El octubre español de 1934» da. Eibarren gertatutakoa 
  biltzen duen lan bakarraren izenburua (eta hau ere, garbi-garbi, ez da 
  eskuindar baten lana):  "La insurrección de octubre del 34 y la II 
  República en Eibar" (Jesus Gutierrez, 2001). Eta euskaraz egin den lan 
  bakarrean ere (1993, argitaratu barik), Iraultza hitzarekin batera, 
  Altxamendu hitza ere badarabilte Oier Narbaiza eta Oier Arazolaza kazetariek.

  Interneten ere, hainbat lekutan aipatzen da Insurrección hitza, bai foro 
  anarkistetan zein komunistetan.

  Ez dut uste, beraz, eskuindarren patrimonioa denik (eta ezta beraien 
  asmakizuna ere).

  Jesus Gutierrezen lanaren hitzaurrean, hauxe dio:
  "Puede llamar la atención el título de este libro al denominar los hechos 
  como insurrección y no como revolución, pero la explicación es sencilla. La 
  palabra revolución se refiere al cambio violento en las instituciones 
  políticas de un país. Esos cambios radicales sí se dieron brevemente en 
  1934 en los casos de Cataluña con la proclamación del Estado catalán o en 
  los violentos acontecimientos de Asturias, con cambios sustanciales en la 
  vida de la sociedad y sus órganos de poder. Sin embargo, no parece la 
  definición más acertada para los sucesos de Eibar, ciudad en la que sí se 
  da una insurrección, definida como la sublevación o levantamiento de un 
  pueblo contra la autoridad legalmente establecida, pero no una revolución 
  propiamente dicha. Sin la pretensión de zanjar tan espinoso asunto 
  conceptual, en el caso de Eibar nos ha parecido más oportuno denominar 
  insurrección a los hechos ocurridos en la ciudad en octubre de 1934. "


  Iñigo Roque-k:
  >Urriaren aipua oso lausoa da, nahasgarria. Zuk zeuk esaten duzunez, urriko
  >iraultza irakurri, eta, testuingururik ezean, ezin jakin Asturiaskoa edo
  >Errusiakoa den. Beraz, erreferentziak beste bat behar du; esaterako, 
  >lekua. (...)
  >Datuen arabera, zeuk erabaki.

  Euskal Herriko eta Eibarko kasuak direnez nik aztertu behar ditudanak, eta 
  Gutierrezen aipamenari kasu eginez, "Insurrección" beharko luke, hortaz.

  Eskerrik asko

  Asier





  >----- Original Message ----- From: "Asier Sarasua" <asarasua a bildua codesyntax.com>
  >To: <itzul a bildua postaria.com>
  >Sent: Tuesday, October 19, 2004 8:30 AM
  >Subject: [itzul] revolución de octubre
  >
  >
  >Revolución de Octubre. Ez dihardut Erusiakoaz, hemengoaz baizik. 1934ko
  >urriaren 34an izan zena.
  >Urriko Iraultza, Altxamendua eta Matxinada aurkitu ditut.
  >
  >Gazteleraz ere, Revolución esaten den arren, autore askoren ustez ez zen
  >benetako iraultzarik izan, eta nahiago dute Insurrección edo Alzamiento
  >erabiltzea.
  >
  >Eman behar izan duzue hori lehenago euskaraz?
  >
  >Eskerrik asko,
  >Asier
  >
  >
  >
  >



-------------- hurrengo zatia --------------
Erantsitako HTML dokumentu bat ezabatu egin da...
URL: <https://postaria.com/pipermail/itzul/attachments/20041019/3b8d35ff/attachment.html>