[itzul] behar izan

[Bittor Hidalgo]

Nik ere antzeko galdera zuzendu nion Jagoneti, baina aditz nominalizazioen
kasuan, berezia iruditzen zitzaidalako. Hona galdera eta erantzuna. Ondo
izan. Bittor

GALDERA (2002-III-12)

Onargarria al da ergatibo eza segidakoa bezalako esaldi batean (merezi
aditzarekin bezala)?

OSO GOGORRA IZAN BEHAR DU ZURE FAMILIAKO NORBAIT HORRELAKO EGOERA BATEAN
IKUSTEA(K).

Niri egia esan, horrelakoetan, K oso gogorra egiten zait. Hau da, berez
esaldia OSO GOGORRA DA zentzuan ulertzen delako, nahiz eta BEHAR erantsita,
leku gehienetan hau DU aditza bihurtu.

Ezer esaterik bai?

ERANTZUNA (2002-V-22)

Galdera da OSO GOGORRA BEHAR DU ZURE FAMILIAKO NORBAIT HORRELAKO EGOERA
BATEAN IKUSTEA(K) esaldiak azkeneko -K hori behar duen ala ez.

  Gramatika batzordearen ustez, auzi hori ez dago argi. Gutako askori "-k"
gabekoa egiten zaigu normalagoa, baina ezin esango genuke bestea ("-k"
duena) okerra denik. Ez gara, beraz, ez bata eta ez bestea txartzat ematera
ausartzen.

  Gramatika batzordea


---------------------------------------------
Bittor Hidalgo Eizagirre /Victor/
k/ Intxaurrondo, 54, 4. A
20015 Donostia (Euskal Herria)
(Espainia gainezarpenez)
Tfnoa eta faxa: 943-273748 // 655728290
posta-e: bittorhidalgo a bildua euskalnet.net
----- Original Message -----
From: "GOIKOETXEA, IRATXE" <goikoetxea_iratxe a bildua eitb.com>
To: "'ItzuL'" <itzul a bildua postaria.com>
Sent: Wednesday, February 23, 2005 4:31 PM
Subject: RE: [itzul] behar izan


Orain dela urte pare bat antzeko itauna egin nuen JAGONET zerbitzuan, eta
adibide bi argitzeko eskatu nuen, behin baino gehiagotan halakoak irakurri
eta gero:

-Mendia* oso polita egon behar du elurtuta.
-Moduren bat* egon behar du hau konpontzeko.


Hona Gramatika Batzordearen erantzuna:

"Mendiak oso polita egon behar du elurtuta" eta "Moduren bat egon behar du
hau konpontzeko" dira forma zuzenak. Izan ere, perpaus batzuetan,
"existentzial" deitutako subjektu ezkutua dutenetan (eta horietakoa da
"Moduren bat egon behar du hau konpontzeko"), badirudi, tradizioaren
arabera, egokiagoa dela subjektu hori absolutuan ematea, eta ez ergatiboan.

Jagoneteko datu-basea gaurkotuta balego agertuko lirateke holakoak, baina
tira.

Iratxe Goikoetxea