[itzul] ziur egon

[Alfontso Mujika]

Ez dago arazorik esaldi horretan. Gauza bat da ZERTAZ ZIUR IZAN egitura
"ziur nago horretaz", eta beste bat ZERTAZ horren ordez aditz jokatuko
mendeko perpausa ematea ("ziur nago ez dela etorriko"; "ziur nago merezi
duen harrera egingo diola jendeak"). Azken kasu horietan <-la> menderagailua
erabiltzen da.

Beste hainbeste gertatzen da beste aditz batzuekin ere: "ohartu ("ohartu
gara energia zaindu beharreko baliabidea dela"), konturatu ("ikusi dudanean
konturatu naiz software eguneraketa izan dela"), gogoratu ("Gogoratu
Museotik abiatzen dela Azpeitia eta Lasao artean dagoen Lurrun-trenaren
zerbitzua").

Alfontso Mujika
Elhuyar Hizkuntza Zerbitzuak

-----Mensaje original-----
De: itzul-bounces a bildua postaria.com [mailto:itzul-bounces a bildua postaria.com]En
nombre de odriozola a bildua euskalerria.org
Enviado el: viernes, 12 de enero de 2007 10:53
Para: itzul a bildua postaria.com
Asunto: [itzul] ziur egon


      Egun on:
 Arazorik ikusten diozue esaldi honi: "Ziur zaude hori egin
nahi duzula?"?  Niri holako sentsazio arraro bat ematen dit,
ez dakit zergatik. Hobeto ez: "Ziur  zaude hori egin nahi
izateaz?"? Ala gauza bera da, eta galdu egin dut esaldiaren
zentzua, hainbeste aldiz irakurrita?
 Eskerrik asko,



Igor Odriozola
Sustaeta